Ginalantaw sang Sangguniang Panlungsod sang Roxas City nga makadugang sang parking space ang ginapatigayon nga clearing operation sa Teodoro Arcenas Trade Center ukon lipunan.
Sa interview sang Bombo Radyo kay Roxas City Councilor Fernando Luis Viterbo, iya ginpahayag nga ginapatigayon ang clearing operation agud mapalapad ang karsada kag mahagan-hagan ang dalagan sang trapiko sa palibot sang merkado.
Suno kay Viterbo, kabahin man ini sang preparasyon sang syudad para sa nagahilapit nga peak season, kun sa diin ginalauman nga madamo ang magakadto sa TATC agud magbakal sang ila kinahanglanon.
Dugang pa sini, padayon nga nagapangita sang solusyon ang Roxas City Government agud mangin mas komportable para sa publiko ang pagbisita kag pagbakal sa TATC.
Nagapangabay man ang natungdan sa mga vendors nga magkooperar kag magsunod sa mga patakaran agud mangin organisado ang palibot sang merkado
