Naturalization sang Gilas Pilipinas target player nga si Bennie Boatwright, kumpleto na

Nakumpleto na ang naturalization sang target player sang Gilas Pilipinas nga si Bennie Boatwright.

Ini matapos nga nagsumpa ang 6-foot-10 player sa Philippine embassy sa China.

Ginkumpirma naman ni PBA Commissioner Willie Marcial ang pagsumpa ni Boatwright sa China kon sa diin nagahampang ini subong para sa Fujian Sturgeions team.

Bangud sini, ginalauman nga makahampang sa labing una nga kahigayunan si Boatwright upod sa Gilas Pilipinas para sa ikalima nga window sang FIBA world Cup Asian Qualifiers sa masunod nga bulan nga pagahiwaton sa Malaysia.