Napauli ni Ma. Ravinia Carpena ang bronze medal sa women’s shot put F20 event sang 5th Asian Para Games sa Aichi-Nagoya, Japan matapos makarekord sang bag-o nga personal best nga 11.39 meters.
Si Carpena ang nangin ikatlo sa final, kasunod ni Reina Hori sang Japan nga nagdaug sang bulawan nga medalya nga may marka nga 13.57 meters, samtang si Siti Noraidah Suherman sang Malaysia ang nagdala pauli sang silver nga medalya nga may marka nga 11.41 meters.
Sa pihak sang mabudlay nga kompetisyon, nalampasan ni Carpena ang iya nauna nga record.
Samtang yara naman sa ika-18 nga pwesto ang Pilipinas para sa kabug-usan nga medal tally sang Asian Para Games 2026 kun sa diin nakaangkon ini sang 2 ka golds, 2 ka silvers kag 3 ka bronzes nga may kabug-usan nga 7 ka medalya.
