Maga-deploy ang Philippine National Police (PNP) sang 72,500 ka mga pulis sa bug-os nga pungsod agud masiguro ang seguridad kag mamentinar ang katawhay sa pagdumdom sang Undas 2026.
Suno sa PNP, magatutok ang mga tinawo sini sa traffic management, pagbulig sa mga pasahero kag bisita, pagmentinar sang katawhay sa pampubliko nga lugar kag pagresponde sa mga emerhensya.
Sakop sang operasyon ang 5,311 ka sementeryo, memorial parks kag columbariums, lakip na ang transportation hubs, main streets, simbahan, sightseeing spots, checkpoints kag iban pa nga mga lugar nga ginalauman nga magagutok sang publiko.
Nag-assign man ang kapulisan sang 4,980 ka mga police assistance desk sa mga sementeryo kag columbarium agud mapadali ang pagpangayo sang bulig kag pagreport sang mga insidente.
Magapasakop man sa operasyon ang 16,892 ka mga tinawo gikan sa iban pa nga ahensya sang gobyerno, lakip na ang Armed Forces of the Philippines, Bureau of Fire Protection kag Philippine Coast Guard, subong man ang 51,467 ka community force multipliers kaangay sang mga barangay tanod kag radio groups.
Sa pihak nga bahin, nagpanugyan ang PNP sa publiko nga sundon ang mga pagsulundan sa mga sementeryo kag likawan ang pagdala sang mga ginadumilian kaangay sang armas luthang, armas, illegal drugs, alcohol prohibited sa lugar kag flammable materials.
Ginpangabay man ang publiko nga gilayon nga i-report sa pinakamalapit nga police station ukon police assistance desk ang anuman nga emerhensya ukon makaduluda nga aktibidad.
