ROXAS CITY, Capiz — Ginpasiduggan ang Roxas city matapos ini liwat nga angkon ang Regional Exemplar Awardee sa City Category sa 2026 Regional SubayBAYANI Awards sang Western Visayas, sa ikatlo nga sunod-sunod nga tuig nga pagkabaton sang syudad sang amo nga award.
Paagi sa sini nga kadalag-an, nalab-ot sang Roxas City ang ginatawag nga “three-peat”, nga nagapakita sang padayon nga pagkilala sa pagpatuman kag pagmonitor sang mga infrastructure project sang lokal nga panguluhan paagi sa SubayBAYANI Portal.
Dugang sa Regional Exemplar Award, nakabaton man ang syudad sang Commendation halin sa Department of the Interior and Local Government (DILG), matapos ini mangin National Finalist sang nagligad nga tuig.
Ang pagkilala nagahatag sang pagtalupangod sa mga pamaagi sang lokal nga panguluhan sa pagmonitor sang mga proyekto sa imprastraktura, lakip ang pagtan-aw sa ila implementasyon kag pagsunod sa nagakaigo nga mga standards.
