CARATAYA, Cuartero, Capiz – Arestado ang isa lalaki High Value Individual sa ginpatigayon nga buy-bust operation sa Barangay Carataya, Cuartero, Capiz.
Ang suspek amo si alyas Jo, 36-anyos, residente sang nasambit nga lugar.
Sa interview sang Bombo Radyo kay Police Major Jesse J Lepaña, Chief of Police sang Cuartero Municipal Police Station, iya ginpahayag nga anay nga delisted si alyas Jo bilang HVI drug surrenderee, apang bangud sa nagbalik ini sa iligal nga aktibidad, madinalag-on nga na aresto kag nakuhaan siya sang ginapatihan nga iligal nga droga.
Suno kay Lepaña, base sa ila monitoring, wala ini nagapili sang iya ginabaligyaan sang iligal nga droga, samtang ginakuha naman sini ang iya supply sa Roxas City.
Suno kay Lepaña sa pagmonitor sa iya wala ini sang pili sang pagabaligyaan niya, partikular naman nga nagakuha ini sang iya supply sa syudad sang Roxas.
Dugang pa sa imppormasyon, sa madinalag-on ang operasyon nga nagresulta sa pagka aresto sa suspek nga ginatudlo nga nagabaligya sang iligal nga droga.
Sa karon nahibaluan nga yara na sa kustodiya sang Cuartero MPS ang suspek para sa nagakaigo nga dokumentasyon, disposisyon, kag natalana na sa subong nga adlaw mapasakaan ini sang kaso bangud sa ginapahayag nga paglapas sa Section 5 kag Section 11, Article II sang Republic Act 9165 ukon Comprehensive Dangerous Drugs Act of 2002.
