-- ADVERTISEMENT --
Nagapabilin nga regular ang mga byahe sang sa Roxas City Integrated Transport Terminal sa tion sang pagsaulog sang Undas.
Sa interview sang Bombo Radyo kay Rufo Arcenas III, tagdumala sang Roxas City Integrated Transport Terminal Administrator, iya ginpahayag nga may bastante nga mga jeep ukon bus nga sarang makaakomodar, ilabi na kon magdamo ang mga pasahero sa tion sang Undas.
Suno kay Arcenas, magalawig tubtob alas 7:30 sang gab-i ang byahe sa nasambit nga terminal.
Dugang pa sini, may ginpahamtang man sang mga help desk kag yara man ang katapo sang Bureau of Fire Protection (BFP) sa terminal agud masiguro ang seguridad kag kaluwasan sang mga pasahero.
