Roxas Component City Police Station, Hugot nga ginapatuman ang mga tikang batok sa mga motorista nga nagalapas sa mga patakaran sa dalanon, lakip na ang paggamit sang modified muffler

Hugot nga ginapatuman sang Roxas Component City Police Station ang mga tikang batok sa mga motorista nga nagalapas sa mga patakaran sa dalanon, lakip na ang paggamit sang modified muffler.

Sa interview sang Bombo Radyo Roxas kay Police Lieutenant Colonel Rogelio L. Tomagtang Jr., iya ginpahayag nga nagapatigayon sila sang mga checkpoint kada gab-i agud masiguro nga nagasunod ang mga motorista sa mga patakaran sa trapiko.

Gin-athag man sini nga ang Traffic Management Unit (TMU) ang may awtoridad nga mag-isyu sang ticket sa mga motorista nga nagalapas sa mga patakaran sa dalan.

Nagpahanumdom man ang kapulisan sa publiko nga sundon ang mga patakaran sa trapiko agud malikawan ang aksidente.