Naglunsyar sang hotlines ang Philippine National Police agud makabulig sa pagpadasig sang pagpangita kay Senador Ronald Dela Rosa.
Suno kay PNP Public Information Office chief Col. Allen Rae Co, nga ang nasambit nga mga hotline sini ang makapalab-ot sa publiko sang ila nahibaluan nga impormasyon agud madakpan ang nagpalagyo nga Senador.
Padayon ang ila paglagas sa Senador apang mas maayo suno sa iya kun boluntaryo ini nga magsungka agud malikawan ang ano man nga maduguon nga engkwentro.
Ginpaandaman man sini ang mga prank caller nga magapasaka sila sang panumbungon batuk sa ila.
Ginpasalig man ni Co, nga bastante ang ila numero ukon pwersa agud pangitaon ang Senador.
Ulihi nga nakit-an sa publiko ang Senador sang bulan sang Mayo kag halin sadto wala na makita.
Sa bulan sang Nobyembre, mangin isa na ka tuig humalin nga nagpaguwa sang arrest warrant ang International Criminal Court batok sa Senador matapos ini ang implikado sa kaso nga crime against humanity sa war against drugs ni anay President Rodrigo Duterte kun sa diin ang Senador amo ang hepe sang National Police.
