Nag-umpisa na ang 3-day national mourning sa Spain matapos indi magnubo sa 68 ka tawo ang napatay kag madamo ang napilasan sa pagbunggu-anay sang duha ka tren sa Toledo sang Miyerkules, Oktubre 28.
Suno sa mga otoridad, nagbunggo ang train sa state-owned operator nga Renfe, nga may 397 ka mga pasahero, sa nag-untat nga tren sang private operator nga Iryo, nga may 147 ka mga pasahero.
Gina-imbestigaran pa ang kabangdanan sang aksidente, lakip na ang computer failure nga gintunaan sang pag-untat sang isa ka tren.
Padayon man ang pagpangita kag pagkilala sa mga biktima.
Nagpabutyag man sang pagpakig-unong si Prime Minister Pedro Sánchez, samtang ang mga pumuluyo nagapanawagan sang salabton kag mas hugot nga kaluwasan sa sistema sang tren sang pungsod.
