Pagapadayunon ang pagpatukod sang Capiz Convention Center nga amo ang mangin sentro sang nagkalain-lain nga mga aktibidad sa probinsya lakip na ang cultural presentations.
Sa interview sang Bombo Radyo kay Mary Therese Encina, Tourism Operations Officer II sang Capiz, iya ginpahayag nga mangin venue man ini sang mga exhibition kag iban pa nga lokal, nasyonal kag internasyonal nga mga aktibidad.
Suno kay Encina, ginalauman man nga ang proyekto mangin simbolo sang responsable nga paggamit sang pondo sang publiko kag makahatag sang benepisyo indi lamang sa isa ka lugar kundi sa bug-os nga probinsya sang Capiz.
Ang convention center sa probinsya amo ang mangin una nga pasilidad nga makaserbisyo sa mga nagkalain-lain nga daku nga aktibidad kag makabulig sa pagpauswag sang turismo sa Capiz.
