-- ADVERTISEMENT --
Magapatigayon sang Halloween Costume Party ang Local Government Unit (LGU) sang President Roxas, Capiz para sa mga kabataan sa amo nga banwa.
Ini ang ginpangunahan nanday Mayor Receliste “Tanoy” Escolin kag Vice Mayor Jhefferson B. Pastrana.
Sa interview sang Bombo Radyo kay Niño Angelo Alcazaren Dela Paz, SK Federation President sang President Roxas, iya ginpahayag nga pagahiwaton ang aktibidad sa Public Plaza sang banwa.
Ginpahayag man sini nga bukas ang aktibidad para sa mga kabataan nga nagaedad sang duha tubtob dose ka tuig kag pwede man ini 13-anyos ang edad pataas.
Dugang pa sini nga paagi sa amo nga aktibidad makahatag ini sang kalipay kag kalingawan sa mga kabataan kag iban pa nga pumuluyo sang banwa.
-- ADVERTISEMENT --
