Pilason ang ka driver sang motorsiklo matapos nagbungguanay sa Barangay Mianay, Sigma Capiz.
Ang mga biktima amo sanday alyas “Duroy,” anay Barangay Kagawad kag residente sang Sitio Sinandigan, Barangay Mianay, kag si alyas “Ven,” residente sang Maayon.
Sa interview sang Bombo Radyo kay Police Major Narciso V. Sables Jr., Officer-in-Charge sang Sigma Municipal Police Station, iya ginpahayag nga halin sa Sigma pakadto kuntani sa syudad sang Roxas si alyas “Ven.”
Pag-abot sa Crossing Proper sang Barangay Mianay, aksidente ini nga nabunggo sa motorsiklo nga ginamaneho ni alyas “Duroy.”
Bangud sa impact sang pagbunggu-anay, pareho nga natumba ang duha ka driver.
Nag-angkon ini sang pilas sa siko, tuhod kag tiil, samtang si alyas “Ven” naman napilasan sa tuhod.
Ginhatagan sang pauna nga pagbulong si alyas “Duroy” sang mga katapo sang BFP-Sigma Fire Station.
Suno kay Sables, wala sa idalom sang impluwensya sang makahulubog nga ilimnon ang duha ka driver kag yara man sa maayo nga mental condition sang natabo ang aksidente.
Pahayag pa niya, nagkasugot ang duha ka driver nga areglohon na lamang ang insidente, kun sa diin nagpakita sang kahanda ang isa ka driver nga i-shoulder ang medical expenses sang na-injure nga driver.
Sa subong, may yara na sang mga traffic signage kag rumble strips sa amo nga lugar kasunod sang request sang barangay officials agud malikawan ang padayon nga pagdamo sang aksidente.
