Dismayado ang pamilya sang isa ka pasyente bangud sa ginaalegar pagpabaya sang mga staff sang Roxas Memorial Provincial Hospital (RMPH) sa ila iloy nga na-stroke sang Nobyembre 3.
Base sa post sa social media ni Fredjay Lim, bata sang pasyente, gin-atake ang iya iloy samtang nagatrabaho sa opisina bilang Head sang Women and Children Protection Unit (WCPU) sang nasambit nga ospital.
Gindala sa Emergency Room ang pasyente, apang sa baylo nga atendiron bangud sa kritikal nga kahimtangan, gin-hambalan lamang ini sang staff nga maghulat.
Tuman nga naalarma ang pamilya bangud sang natabo bangud wala gilayon nahatagan sang madasig nga medikal nga atensyon ang iya iloy sa tunga sang peligro matapos ma-stroke.
Dugang pa sini, kun nahimo nga pabay-an sang mga staff ang isa ka dedikado kag madugay na nga empleyado sang ospital, ano nalang ang matabo sa mga kubos kag ordinaryo nga pumoluyo nga nagapadangop sa nasambit nga pasilidad.
Nagapanawagan ang natungdan sang madasig nga aksyon kag imbestigasyon ang pamilya agud mapanabat ang mga natungdan kag ang tagdumalahan sang RMPH nahanungod sa amo nga insidente.
