Nagapati ang Makabayan bloc nga nagakabagay ang desisyon ni Dean Ralph Sarmiento nga mag-withdraw bilang isa sa mga testigo sang defence team ni Vice President Sara Duterte sa impeachment proceedings.
Sa interview sang Bombo Radyo kay France Castro, former ACT Teachers Partylist Representative, iya ginpahayag nga apisar may punto ang mga opinyon ni Sarmiento sa Konstitusyon kag legal nga bagay ang pagahambalan, apang wala ini sang bastante nga ihibalo sa mga articles of impeachment nga ginapangatubang sang bise presidente.
Suno kay Castro, importante nga maintindihan sang isa ka witness ang partikular nga mga alegasyon kag isyu nga yara sa impeachment complaint agud makahatag ini sang makahulugan kag nagakaigo nga testimonya sa mga mamalidha.
Ginhatagan man pagtamod sang natungdan nga ang pag-withdraw ni Sarmiento bilang witness ang nagakahulugan nga dapat magpangita ang defense team ang isa pa ka indibidwal nga makahatag sang testimonya nga direkta nga magasabat sa mga alegasyon nga yara sa impeachment case batok kay Duterte.
