Magapakigbahin ang Philippine Dental Association-Capiz Chapter sa Dugong Bombo 2026, ang bloodletting activity sang Bombo Radyo Philippines, paagi sa paghatag sang nagkalain-lain nga dental services para sa mga blood donor kag partisipante.
(DEMAISIP)
Sa interview sang Bombo Radyo kay Dr. Nallyn Demetillo Demaisip, presidente sang Philippine Dental Association-Capiz Chapter, iya ginpahayag ang ila suporta sa amo nga aktibidad paagi sa paghatag sang serbisyo nga may kaangtanan sa oral health.
(DUGONG BOMBO 2)
Suno kay Demaisip, importante ang pagdonate sang dugo bangud dako ini nga bulig sa mga pasyente nga nagakinahanglan sang blood transfusion, ilabi na sa mga na-involve sa aksidente, nagapaidalom sa operasyon kag may iban pa nga medical conditions nga nagakinahanglan sang dugang nga dugo.
Dugang pa sini, paagi sa pagdonate sang dugo, may oportunidad ang isa ka indibidwal nga makabulig sa pagluwas sang kabuhi sang iban, gani nagapanawagan man sila sa publiko nga magpakigbahin sa amo nga inisyatibo kon kwalipikado kag nagakabagay sa mga health requirements.
