Nakahunong na sa presuhan ang 44-anyos nga lalaki nga nadakpan sa ginpatigayon nga buy-bust operation sang kapulisan sa Barangay Salocon, Panitan, Capiz, sang gab-i sang Nobyembre 6, 2026.
Ginkilala ang suspek sa alyas nga “RH,” isa ka laborer kag residente sang amo nga barangay, nga ginakabig sang kapulisan nga listed Street-Level Individual kag drug surrenderee.
Sa interview sang Bombo Radyo kay Police Captain Ronald Ton-ogan, hepe sang Panitan Municipal Police Station, iya ginpahayag nga padayon na ang ila legal nga proseso batok sa nadakpan nga suspek.
Narekober sa operasyon ang duha ka heat-sealed transparent plastic sachet nga may ginapatihan shabu nga may kabug-aton nga 13.2 grams kag nagabalor sang mas ukon menos 89 mil 760 pesos, lakip ang buy-bust money nga 1,000 pesos kag 900 pesos nga boodle money.
Dugang pa, nagapadayon ang kampanya sang kapulisan batok sa illegal nga droga agud mapunggan ang paglapta sini kag mapabilin ang kalinong kag seguridad sa komunidad.
