Carlos Yulo, liwat nga magapasakop sa Olympique Antibes Juan les Pins sa France

Liwat nga magapasakop si Paris Olympics double gold medalist Carlos Yulo sa Olympique Antibes Juan les Pins – Gymnastique team sa France sa isa pa ka season.

Pormal nga gin-anunsyo sang OAJLP Gymnastique ang pagbalik ni Yulo sa ila team matapos nangin kabahin sang grupo sang nagligad nga season.

Matandaan nga ginbuligan ni Yulo ang OAJLP Gymnastique nga makuha ang French Men’s Artistic Gymnastics Championship Top 12 title sang nagligad nga Mayo.

Ginalauman nga makabulig ang pagpasakop ni Yulo sa OAJLP Gymnastique bilang preparasyon para sa 2027 World Championships sa Chengdu, China nga magaserbe nga qualifying tournament para sa 2028 Los Angeles Olympics.