Gin-anunsyo ni National Food Authority (NFA) Administrator Larry Lacson sa isa ka exclusive interview sa Bombo Radyo nga may bastante nga pondo ang ahensya para sa ginpataas nga purchase price sang bugas sa mga lokal nga mangunguma nga sa subong P30 kada kilo para sa clean and dry, samtang may yara man sang separado nga katumbas nga presyo para sa wet rice.
Suno kay Lacson, ang ginpain nga pondo sa idalum sang General Appropriations Act nagalab-ot sa P9 billion, nga may dugang nga P10 billion nga pondo halin sa Department of Agriculture para suportahan ang ini nga tikang.
P27 lang suno sa iya ang una nga target nga presyo, apang bangud manubo ang manugbaligya sa sina nga kantidad, kinahanglan nga pataason ini agud mangin mas mapuslanon kag makagalanyat sa mga mangunguma.
Gin-athag ni Lacson nga mayor nga motibasyon sang ahensiya sa sini nga pagbag-o amo ang pagpahagan-hagan sang kabudlayan sang mga mangunguma sa pagtanum bangud sa wala untat nga pagtaas sang presyo sang abono kag gatong.
Katuyuan nga masiguro nga ang mga prodyuser makabawi sang ila mga gasto apisar sang mga pagbag-obag-o sang merkado.
