Wala nakapugong sa iya reaksyon si Senator-Judge Raffy Tulfo sa sunod-sunod nga pagsabat sang “I do not know” sang defense witness nga si Atty. Suzette Balucanag-Punay sa nagapadayon nga impeachment trial ni Vice President Sara Duterte.
Sa pagpamangkot ni Tulfo, ginkuwestyon sini kon ngaa wala nakapreparar kag nakahimo sang nagakaigo nga research ang testigo antes mag-atubang sa Senado, labi na nga isa ini ka abogado nga may 15 ka tuig nga eksperyensya kag accountant man suno sa impormasyon.
Sa iya depensa, ginpahayag ni Balucanag-Punay nga ginhimo niya ang pagpangita sang mga dokumento nga makapamatuod sa mga impormasyon nga ginapangayo sa iya, apang wala siya nakakita sang masaligan nga mga rekord nga mahimo niya mapresentar.
Apang, wala makumbinsi si Tulfo sa sabat sang testigo kag ginpunto nga indi bastante ang padayon nga pagsabat nga wala siya nahibaluan sa mga pamangkot nga ginapamangkot sa iya.
