Ginkwestyon ni Senator-judge Erwin Tulfo ang hinali nga pagtaas sang sales sang Gencorp Industries Inc matapos nangin Vice President si Sara Duterte, sa iya pagpangusisa sa defense witness nga si Atty. Suzette Balucanag-Punay sa impeachment trial.
Suno kay Tulfo, gikan sa estimated sales nga P28 million sang 2021, naglab-ot sa P300 million ang sales sang kompaniya, antes nagtaas ang sales sini sa halos P1 billion humalin 2022 tubtub 2024.
Bangud sini, ginpamangkot sang senador kun ano nga produkto ang ginbaligya sang Gencorp kon ngaan gulpi nga nagtaas ang ila kita kag kun may yara sang posible nga conflict of interest kadungan sang pagtaas sang sales ni Dutere pagpungko bilang Bise Presidente.
Bilang sabat, gin-athag ni Balucanag-Punay nga may lima ka branches ang Gencorp.
Suno sa iya, kadungan sang pagdamo sang Jollibee stores nga ginaserbisyuhan sang kompaniya, nagtaas man ang ila kita.
