Sidewalk clearing kag bag-o nga parking system sa palibot sang Teodoro Arcenas Trade Center (TATC) sa Roxas City, nagresulta sang hilway nga dalagan sang trapiko sa lugar

Ginakabig nga maayo ang resulta sang sidewalk clearing kag pagpatuman sang parking system sa palibot sang Teodoro Arcenas Trade Center (TATC) sa Roxas City.

Sa interview sang Bombo Radyo kay Punong Barangay Castor Holce Bialen sang Barangay VIII, iya ginpahayag nga mas naglapad na ang karsada kag nagtawhay ang dalagan sang trapiko bangod ginkaayo ang pwesto sang mga vendors kag gin-organisa ang parking area.

Suno kay Bialen, mas nangin hapsay na ang pag-agi sang mga salakyan bangod ginplastar na sang maayo ang mga paradahan sang jeep kag tricycle.

Dugang pa sang natungdan, padayon nga ginamonitor sang Barangay officials kon nagasunod ang mga motorista kag vendors sa mga patakaran agud mapabilin nga hapsay ang dalagan sang trapiko.