Maga-upod ang Hugpong Transport sang Capiz sa natalana nga transport strike bilang protesta sa pag-abot ni United States President Donald Trump sa Pilipinas.
Ini ang ginkumpirmar ni Joseph Carandang, presidente sang Hugpong Transport of Capiz, may kaangtanan sa plano nga transport strike nga ginalauman nga pagapasakopan sang nagkalain-lain nga grupo sang mga drivers kag operators.
Suno kay Carandang, kabahin ang ila paghiliusa sa pagpakita sang pagpamatok sa mga polisa kag tikang sang administrasyon ni Trump nga suno sa ila may epekto sa palangabuhian sang mga mamumugon kag pumuluyo, lakip na ang sektor sang transportasyon.
Madumduman nga gin-anunsyo sang transport group nga PISTON ang paghiwat sang isa ka adlaw nga transport strike sang Nobyembre 16, kadungan sang pagbukas sang ika-49 nga ASEAN Summit sa Metro Manila nga pagatambungan ni Trump.
