Gin-turn over sa Roxas Component City Police Station ang isa ka lalaki nga nag-amok sa sulod sang ila panimalay sa Sitio Isidro, Barangay Cagay, Roxas City.
Ang amo nga lalaki amo si alyas John, 40-anyos kag residente sang nasambit nga lugar.
Sa interview sang Bombo Radyo kay Barangay Kagawad Isidro Aragon, iya ginpahayag nga nagpangayo sang bulig ang ginikanan sang lalaki bangud indi na nila makontrol ang amo nga lalalki nga nagapang-abusar.
Suno kay Aragon, kon makainom sang makahulubog nga ilimnon ang amo nga lalaki, nagahimo ini sang mga indi maayo nga mga butang.
Dugang pa sini, gilayon ini nagpadulong sa area kag apang indi na ini nga mapunggan kag may yara pa sang kutsilyo nga dala.
Sa subong, yara na sa kustodiya sang mga kapulisan ang amo nga lalaki.
Nagpanawagan man ini sa publiko nga mangin responsable sa pag-inom sang makahulubog nga ilimnon agud malikawan ang kaangay nga mga insidente.
