-- ADVERTISEMENT --

Nagsulat sang kasaysayan ang Pilipinas matapos nakuha ni Carmelle Collado ang una nga kampeonato sa inaugural Eurovision Song Contest Asia nga ginhiwat sa Bangkok, Thailand sang Nobyembre 14.

Si Collado nakakuha sang kabug-usan nga 211 points para sa iya pag-perform sang kanta nga “Sobra-Sobra,” nga ginsulat nanday Nica del Rosario kag Mat Olavides.

Nagpanguna siya sa pagboto sang hurado pagkatapos makakuha sang 93 points gikan sa 11 ka national juries kag nakakuha man sang 118 points gikan sa mga boto sang publiko.

Bilang una nga kampeon sang nasambit nga competition, natalana man ini nga mangin guest performer sa Eurovision Song Contest 2027 nga pagahiwaton sa Burgas, Bulgaria.