-- ADVERTISEMENT --

Ginkumpirmar sang Hamas ang kamatayon sang Commander sang ila Rafah Brigade matapos ang Israeli airstrike sa Southern Gaza Strip.

Ginkilala ang napatay kay Samir Abu Younis, alyas Abu Mahmoud nga naigo sang airstrike sa Khan Younis area.

Suno sa Israeli military, naghimo sila sang pag-atake pagkatapos sang tungang gab-i batok sa isa ka mataas nga kumander sang Hamas military wing, apang wala pa sini makumpirmar ang identidad sang nasambit nga opisyal.

Si Abu Younis ang nagbulos sa anay Commander sang Rafah Brigade nga si Nael Abu Obeid nga napatay man sa pag-atake sang Israel sang Setyembre.

Antes sini, ang nauna nga pinuno sang brigada, si Muhammad Shabana, napatay man sang Mayo 13, 2025, sa isa ka airstrike sa isa ka ospital nga nagpatay man sa lider sang Hamas nga si Mohammad Sinwar.

-- ADVERTISEMENT --