-- ADVERTISEMENT --

Nanindugan si Sigma, Capiz Mayor Dante Rizal Eslabon nga may grave abuse of authority nga ginhimo si Vice Mayor Stephen Alayon nga nangin basehan sang anum ka bulan nga preventive suspension nga ginpapanaug sang Office of the Ombudsman.

Sa interview sang Bombo Radyo kay Mayor Eslabon, iya ginklaro nga una na siya nga nagpasaka sang reklamo sa Office of the Ombudsman-Visayas sang Hunyo 2, 2026, antes pa nagpagwa ang Sangguniang Bayan sang authority to sign para sa Usufruct Agreement sang Solar Water System Project sa Barangay Poblacion Sur kag Norte sang Agosto 10, 2026.

Suno kay Eslabon, natapos kag maayo ang Solar Water System Project nga gin-turn over sang Department of Public Works and Highways (DPWH) sang Agosto 2025, apang suno sa iya, nahaluan ini sang pulitika kag nasabotahe.


Matandaan nga sang Nobyembre 11, ginpapanaugan sang Ombudsman si Vice Mayor Alayon sang anum ka bulan nga preventive suspension nga wala sang sweldo matapos makakita sang mabakod nga ebidensya nga nagatudlo sa posible nga grave abuse of authority kag oppression.

Ang preventive suspension ang ginapatuman samtang nagapadayon ang imbestigasyon kag indi pa ini katapusan nga desisyon sa reklamo batok sa bise alkalde.

-- ADVERTISEMENT --