Gintawag sang grupo sang Kadamay ang mga pulis nga nag-aresto sa mga indibidwal nga nagprotesta bangud sa mga isyu nga gina-atubang sang pungsod bilang protektor sang mga looters.
Sa interview sang Bombo Radyo kay Eufemia Doringo, Secretary General sang Kadamay, ginpakamalaot sini ang pagdakop sa mga raliyista kag ginpanindugan sini nga sa baylo nga atubangon ang reklamo sang mga pumuluyo, ginadakop nila ang mga nagaprotesta.
Suno kay Doringo, indi dapat kabigon nga kaaway ang mga pumuluyo nga nagapabutyag sang ila panan-awan kag nagapamatuk sa mga polisiya kag tikang sang gobyerno.
Gindugang sini nga dapat respetuhon sang mga otoridad ang kinamatarong sang publiko sa hilway nga pagpahayag kag malinong nga pagtililipon sa baylo nga punggan ang ila mga ginahimo.
Nagpabutyag man sang kaakig ang grupo sa ginaalegar paggamit sang police power sa pag-amlig sa mga indibidwal nga ila gina-akusahan nga imbolbado sa pag-abuso kag pagpang-abuso sang pundo sang publiko.











