-- ADVERTISEMENT --

Pilason ang isa ka 48-anyos nga babaye matapos ginluthang sang wala pa makilal-an nga suspek sa Barangay Poblacion Ilaya, Dumarao, Capiz.

Ang biktima amosi alyas nga Juve, residente sang nasambit nga lugar,

Sa interview sang Bombo Radyo kay Police Lieutenant Russell G. Husmalaga, Officer-in-Charge sang Dumarao Municipal Police Station, iya ginpahayag nga hinali nga ginluthang sang suspek ang biktima sing tatlo ka beses kag gilayon nga nagpalagyo.

Gindala naman ang biktima sa pampubliko nga ospital para sa nagakaigo nga pagbulong kag sa karon yara na sa estable nga kondisyon, samtang padayon ang hot pursuit operation sang kapulisan batok sa suspek nga nagapakalagyo.

Sa subong, padayon ang hot pursuit operation sang mga kapulisan batok sa suspek nga nagapakalagyo.

-- ADVERTISEMENT --