-- ADVERTISEMENT --

Gindayaw ni United States President Donald Trump si Presidente Ferdinand Marcos Jr. sa madinalag-on nga pag-host sang Pilipinas sa 49th Association of Southeast Asian Nations (ASEAN) Summit.

Madumduman nga nag-abot sa Pilipinas si Trump agud magtambong sa nasambit nga regional gathering kaupod ang mga lideres sang nagkalain-lain nga mga pungsod sa Southeast Asia.

Ginhatagan pagtamod ni Trump ang organisasyon kag preparasyon sang Pilipinas para sa nasambit nga summit, nga nagaserbe nga oportunidad agud istoryahan ang mga importante nga isyu angot sa ekonomiya, seguridad, kag relasyon sa tunga sang mga katapo nga pungsod.

Samtang, pormal naman nga ginturn-over sang Pilipinas sa Singapore ang pagpamuno sang ASEAN pinaagi sa ceremonial turnover sang ASEAN Chairmanship sa pagpanguna nanday President Marcos kag Singaporean Prime Minister Lawrence Wong kadungan sang closing ceremony sang summit.