Nagtaas sang 2.7% sa $3.55 billion ang personal nga remittances sang overseas Filipino workers (OFWs) sang Setyembre gikan sa $3.46 billion sa amo man nga bulan sang nagligad nga tuig.
Base sa data sang Bangko Sentral ng Pilipinas (BSP), ang mga cash remittances nagtaas man sa $3.2 billion gikan sa $3.12 billion sang Septyembre 2025.
Halin Enero tubtob Septyembre, ang personal nga mga remittances naglab-ot sa $29.65 billion, 2.3% nga mas mataas kon ipaanggid sa pareho nga panahon sang nagligad nga tuig.
Sa pihak nga bahin, ginalauman naman sang mga ekonomista nga magataas pa gid ang remittances sang mga OFWs sa masunod nga mga binulan bangud sa nagahilapit nga Christmas season, sa masami nagapadala sila sang dugang nga kuwarta para sa kinahanglanon kag kagastuhanan sang ila pamilya.











