-- ADVERTISEMENT --

Nagbutang sang mga road signs ang pamunuan sang Barangay Cagay, Roxas City agud mapahanumdom ang mga motorista nga maghalong sa pagbiyahe kasunod sang sunod-sunod nga aksidente sa ila lugar.


Sa interview sang Bombo Radyo kay Barangay Kagawad Isidro Aragon sang Barangay Cagay, ginpahayag sini nga kabahin sang ila tikang ang pagbutang sang mga karatula agud mapataas ang kaalam sang mga motorista sa mga delikado nga bahin sang dalan.

Suno kay Aragon, importante nga sundon sang mga nagamaneho ang mga traffic signs kag magpabilin nga alerto samtang nagabiyahe agud malikawan ang posible nga disgrasya.

Nagpanawagan man ini sa tanan nga motorista nga mangin responsable sa pagmaniho, likawan ang pagpadalus-dalos kag pirmi unahon ang kaluwasan indi lamang sang ila kaugalingon kundi pati sang iban nga nagaagi sa dalan.