-- ADVERTISEMENT --

Yara na sa 90 % ang accomplishment sang proyekto sa pagkay-o sang kanal sa Datiles Street, Barangay Tiza, Roxas City.

Sa interview sang Bombo Radyo kay Engineer Abel de Pedro, Project Engineer, iya ginpahayag nga malapit na matapos ang proyekto kag ginatarget nga makompleto ini sa bulan sang Disyembre.

Suno kay De Pedro, isa sa mga pagpanghangkat nga ila ginpangatubang sa pagpatuman sang proyekto amo ang puno nga natumba bangud sa madalom nga drainage nga nagresulta sa pagkahuyang kag pagkatumba sang Puno sang Narra.

Dugang pa sang natungdan , nagkoordinar ang project team sa Provincial Environment and Natural Resources Office (PENRO) may kaangtanan sa natumba nga puno.

Ginkakas man gilayon ang puno sang Narra kag maswerte nga wala sang may nasamaran sa amo nga insidente.

-- ADVERTISEMENT --