-- ADVERTISEMENT --

Gin-anunsyo sang Miss Universe Organization (MUO) ang mga host kag commentators para sa tatlo ka mayor nga gab-i sang kompetisyon bilang kabahin sang ika-75 nga anibersaryo sang pageant sa Puerto Rico.

Pagapangunahan nanday Mario Lopez kag Miss Universe 2022 R’Bonney Gabriel ang grand finale sa Nobyembre 24, kon sa diin koronahan ang bag-o nga Miss Universe.Makupod man nila bilang commentators sanday Miss Universe 1993 Dayanara Torres kag Zuri Hall.

Samtang, si Miss Universe 2001 Denise Quiñones ang maga-host sang Preliminary Competition sa Nobyembre 22, kon sa diin maga-indis-indis ang mga kandidata para sa pwesto sa final round.

Si Miss Universe 2006 Zuleyka Rivera naman ang magapanguna sa National Costume Competition sa Nobyembre 21, kon sa diin ang mga kandidata magapresentar sang mga costume nga nagapakita sang kultura kag tradisyon sang ila mga pungsod.