-- ADVERTISEMENT --

Nagluntad ang sunog sa isa ka puluy-an sa Barangay Tanque Ilaya, Roxas City, pasado alas-6:18 sang gab-i, nga gilayon nga gin respondehan sang Bureau of Fire Protection (BFP), CACAG kag Ferocity agod mapunggan ang paglapta sang kalayo.

Sa interview sang Bombo Radyo kay RJ Aguirre, tag-iya sang nasunog nga balay, iya ginpahayag nga wala siya makahibalo kon ano ang gintunaan sang sunog.

Suno kay Aguirre, nagluntad ang sunog sa ila puluy-an pasado alas-6:18 sang gab-i sa Barangay Tanque Ilaya, Roxas City.

Dugang pa niya, gilayon nga nagresponde ang mga katapo sang BFP agod mapalong ang kalayo kag mapunggan ang paglapta sini sa mga kaingod nga puluy-an.

Nahibaluan nga nagdeploy ang BFP sang apat ka fire truck, upod ang apat ka truck sang CACAG kag isa ka truck sang Ferocity agod magresponde sa nasambit nga insidente.

-- ADVERTISEMENT --

Sa karon, ginahulat pa ang dugang nga detalye parte sa kabangdanan sang sunog kag sa kabug-usan nga balor sang kahalitan nga gintuga sini.