Dako ang kasubo ni Gilas Pilipinas head coach Tim Cone sa indi pag-upod ni Rhenz Abando sa ikalima nga window sang FIBA World Cup Asian Qualifiers nga pagahiwaton sa Malaysia.
Ini matapos nga nag-angkon sang injury sa iya ankle si Abando samtang nagahampang sa Korean Basketball League sang Huwebes nga gab-i.
Suno kay Cone, kinahanglan na nila nga magpadayon bisan pa nga daku ang iya paghinulsol sa indi pagpartisipar ni Abando sa nasambit nga mga hampang.
Bangud sini, si Troy Rosario ang ibaylo kay Abando sa Gilas Pilipinas. Ginakabig ni Cone si Rosario bilang isa ka “plug-and-play player” bangud pamilyar na ini sa sistema sang koponan kag indi na kinahanglan sang malawig nga pagpanghanda agud makaupod sa ila.
Samtang, nakatakda nga maglupad pakadto sa Malaysia ang Gilas Pilipinas subong nga Sabado, Nobyembre 21, agud atubangon ang Syria kag Iran sa nasambit nga torneo.











