Nakatakda nga maglakat pakadto sa Malaysia buwas, Nobyembre 21, 2026, ang mga miyembro sang Gilas Pilipinas.
Ini para sa ikalima nga window sang 2027 FIBA World Cup Asian Qualifiers.
Ang iban pa nga players sang Gilas nga yara subong sa iban nga pungsod ginapaabot man nga magbiyahe pakadto sa Kuala Lumpur agud mag-upod sa national team para sa dugang nga mga ensayo antes ang duha nila ka nakatakda nga hampang.
May isa pa ka semana ang Gilas Pilipinas nga maghanda antes ang ila pag-atubang sa national teams sang Syria kag Iran.
Base sa opisyal nga iskedyul sang Gilas, atubangon sini ang Syria sa Nobyembre 27 kag masundan ini sang hampang kontra Iran sa Nobyembre 29.
Sa karon, may rekord ang national team nga apat ka kadalag-an kag apat ka kapierdehan (4-4) kag handum sini nga makuha ang ikaapat nga sunod-sunod nga pagpartisipar sa FIBA World Cup.
Si Coach Tim Cone liwat ang manguna sa national team para sa duha ka importante nga hampang.











