-- ADVERTISEMENT --

Mas nagadugang pa ang kahinam sa preparasyon para sa ika-75 nga anibersaryo sang Miss Universe matapos gin-anunsyo sang organisasyon ang mga mangin host kag presenter sa Miss Universe 2026.

Ginkumpirma nga mangin panguna nga hosts sang grand finale sanday television host Mario Lopez kag Miss Universe 2022 R’Bonney Gabriel. Ang grand finale pagahiwaton sa Nobyembre 24 sa Coliseo de Puerto Rico José Miguel Agrelot sa San Juan, Puerto Rico.

Lakip man sa mga special presenter ang mga nagligad nga Miss Universe nga sanday Dayanara Torres, Denise Quiñones kag Zuleyka Rivera, upod sanday Zuri Hall kag NSYNC member Lance Bass.

Magalambot sa 116 ka kandidata halin sa nagkalain-lain nga pungsod ang magailinaway para sa korona. Magsugod ang kompetisyon sa pagpili sang Top 30 nga magapakigbahin sa swimsuit competition. Halin diri, pilion ang Top 12 nga magapakigbahin sa evening gown competition, antes mag-abot sa Top 5 nga magaatubang sa question-and-answer portion.

Mapanood ang grand finale sa Puerto Rico sa Nobyembre 24, samtang Nobyembre 25 naman ini mapanood sing live sa Pilipinas.

-- ADVERTISEMENT --