Ginkwestyon ni House Lead Prosecutor kag Batangas Representative Gerville Luistro ang pamaagi sang depensa ukon trial strategy sang kampo ni Vice Presidente Sara Duterte sa impeachment trial.
Suno kay Luistro, wala nasabat sang direkta sang depensa ang alegasyon parte sa ₱817.87 milyon nga indi suno maathag kun diin naghalin ang manggad sang Bise Presidente.
Suno pa kay Luistro, may duha ka posible nga rason sini, mahimo nga kulang sa abilidad ang grupo sang depensa ukon mahimo man nga mabudlay gid depensahan ang kaso.
Ginkwestyon man niya ang mga testigo nga ginpresentar sang depensa bangud suno sa iya, ang ila mga testimonya wala nagasabat sang direkta sa panguna nga alegasyon.
Una na nga nagpasa ang prosekusyon sang mga rekord sang bangko, mga dokumento sang korporasyon kag mga resulta sang pag-usisa sang mga accountant bilang ebidensya.
Sa karon, ang Article II na lamang nga nagapatuhoy sa ginapahayag nga indi maathag nga ginhalinan sang manggad ang nabilin nga ginatalakay sa impeachment trial, matapos ginbawi ang tatlo pa ka articles.
Sa pihak nga bahin, padayon man ang kampo ni Duterte sa pagpasa sang mga ebidensya agud pamatukan ang mga alegasyon batok sa iya.
Ginapaabot nga magapadayon ang trial sa Disyembre 1, 2026.











