May plano ang isa ka Chinese company nga magpatindog sang mga windmill sa dagat sang Pilipinas nga makasarang sa mabaskog nga bagyo agud makabulig sa paghatag sang mas masaligan kag mas estable nga suplay sang kuryente sa pungsod.
Ginisturyahan ni President Ferdinand Marcos Jr. ang nasambit nga proyekto kaupod ang mga opisyal sang Ming Yang Smart Energy Group sa Shenzhen, China, kadungan sang APEC Summit.
Suno sa kompanya, ang ila mga wind turbine may teknolohiya nga makasarang mag-atubang sang kusog sang super typhoon nga nagalapas pa sa Category 17.
Nagpirma man ang duha ka panig sang kasugtanan para sa pagbinuligay sa pagpauswag sang mga proyekto sang offshore wind energy sa Pilipinas.
Kabahin man sa plano sang kompanya ang pagtukod sang sentro para sa maintenance kag pag-ayo sang mga windmill sa Pilipinas agud mapadasig ang pagserbisyo kag masiguro nga padayon kag maayo ang operasyon sang mga pasilidad.
Ginapaabot nga makabulig ini nga proyekto sa pagpalapad sang paggamit sang matinlo nga enerhiya kag sa paghatag sang mas masaligan nga suplay sang kuryente sa pungsod, ilabi na sa tion sang mabaskog nga mga bagyo.











