Actress Lauren Young kag Toby Panlilio, engaged na

Malipayon nga ginpakigbahin sang aktres nga si Lauren Young ang pagproposed sang iya partner nga si Toby Panlilio.

Sa social media account sang aktres, nagpost ini sang mga litrato sa ginhiwat nga proposal.

Natabo ang nasambit nga wedding proposal sang sila ang nagbakasyon sa Sapporo, Hokkaido sa Japan.

Sa pila ka mga litrato nga gin-share sang aktres, makita nga nagluhod sini ang iya nobyo nga ginapakita ang engagement ring.

Nagbubo naman ang mga pagpanginbulahan gikan sa ila mga abyan kag pamilya sa showbiz.

Si Lauren ang utod sang anay beauty queen nga si Megan Young samtang si Toby naman ang utod sang bana ni Dani Barretto nga si Xavi.