-- ADVERTISEMENT --
Nakuha sang Alas Pilipinas Women’s Volleyball Team ang ikatlo nga pwesto sa 2025 South East Asian Volleyball League Leg 1 matapos malutos ang Indonesia sa score nga 25-20, 25-20, 16-25, 25-13.
Apisar nga napierde sa Set 3, nag-bounce back ang Pilipinas sa ika-apat nga set nga ginpangunahan nanday Alyssa Solomon, Fifi Sharma, Eya Laure, kag Angel Canino.
Nagbulig man ang kapitan sang team nga si Jia De Guzman agud mahatagan sang momentum ang team.
Ang Alas Pilipinas nagtapos nga may 1-2 nga win-loss record kag liwat nga nagdaug sang bronze medal pareho sang ila nakuha sa duha ka legs sang tuig 2024.
