ROXAS CITY – Posible nga mangin minority floor leader si Albay Congressman Edcel Lagman, matapos magdesisyon nga magpabilin sa oposisyon.
UO
Suno kay Capiz 1st District Congressman Emmanuel Billones Sr., sa pihak nga nagdesisyon na ang Liberal Party nga mag-upod sa super majority sa Kongreso nagpanindugan sa gihapon si Lagman nga magpabilin sa oposisyon kag bisan san-o indi mag-upod sa administrasyon.
Bangud diri, nagapati ang kongresista nga daku ang posibilidad nga mangin minority floor leader si Lagman.
Samtang nagapati ang kongresista kun wala lamang nagpasilabot
si President Rodrigo Duterte sa house speakership post may posibilidad nga
mangin House Speaker si Congressman Martin Romualdez sang Leyte.
Suno kay Billones nga madamo nga partido sa manubo nga
panalgan sang Kongreso ang nagpahayag sang suporta sa kongresista, kasubong na
lamang ni Congresswoman Gloria Macapagal Arroyo, Imelda Marcos, Capiz 2nd
District Congressman Fredinil Castro kag iban pa.
