Gin-ako ni dismissed first district engineer Henry Alcantara nga nakatrabaho niya si Department of Public Works and Highways Undersecretary Roberto Bernardo sa paghatag sang komisyon sa flood control projects sa mga kampo nanday Senators Jinggoy Estrada, Joel Villanueva , former senator Bong Revilla, Jr., Ako Bicol Rep. Zaldy Co, kag former Caloocan Rep. Mitch Cajayon.
Suno kay Alcantara, tuig 2022 sang umpisa nga magdagdag sang pondo sa District Office si Bernando kag ang kasugtanan amo nga 25% sang pondo sa proyekto ang makadto sa proponent.
Pahayag niya, sa 25%, may yara sang advance payment nga 5% ukon 15% nga ginapangayo si Bernardo kag masami ini nagakatabo pagkatapos sang deliberasyon sang bicameral conference committee.
Dugang pa sang natungdan, ginhatagan ni Bernardo ang DWPH Bulacan First District Engineering Office sang P350 million nga balor sang government projects sang 2022, P710 million sang 2023 kag P3.3 billion sang 2024.
Sa P3.3 billion sang 2024, ginpahayag ni Alcantara nga P2.85 billion ang ginkuna nagikan sa unprogrammed funds ukon sa budget items nga ginapondohan kun may yara sang excess tax collections kag iban nga special laws nga naga-provide sa pagpain sang pondo.
