SPAIN – Padayon nga nagasaka ang Filipina tennis star nga si Alex Eala sa worlds women’s tennis scene, pagkatapos nga matigayon ang iya bag-o nga pinakamaayo nga ranggo sa WTA nga No. 70 —ang iya pinakamataas nga ranggo tubtob subong.
Ang 19-anyos nga si Eala nagsaka sa ranggo pagkatapos sang iya kampanya sa Mutua Madrid Open, sa diin ginlutos niya si Victoriya Tomova sang Bulgaria sa una nga hugna.
Ang kadalag-an ni Eala batok kay Iga Swiatek sa Miami Open sang Marso ang nagtulod sa iya sa semifinals sang WTA1000 tournament — isa ka makasaysayan nga kadalag-an para sa Pilipinas kag isa ka tikang para sa iya pagsulod sa Top 100 sang WTA rankings.
Si Eala ang masunod nga ginalauman nga mag-intra sa Italian Open halin Mayo 6–18, sa diin mahimo niya liwat nga atubangon sanday Jessica Pegula kag Madison Keys.
Magluwas diri, natalana man nga magpaindis-indis si Eala sa Roland Garros (French Open) sa Mayo 25 tubtob Hunyo 8, kadungan sang iya ika-20 nga kaadlawan sa Mayo 23, 2025.
