Cruise ship nga MV Hondius, ginapahayag may hantavirus outbreak; 38 ka mga Filipino crew members sakay sang amo nga barko

Ginkumpirmar sang Department of Health (DOH) nga may 38 ka Filipino crew members ang sakay sang cruise ship nga MV Hondius nga ginapahayag may hantavirus outbreak nga nagresulta sang tatlo ka kamatayon sa iban nga pasahero.

Suno sa DOH, yara sa kabug-usan nga sobra 100 ka tawo ang sakay sang barko kag 38 diri amo ang mga Pinoy.

Ginpahayag nga ang mga Filipino crew wala sang sintomas sang balatian base sa report sang WHO kag International Health Regulations.

Ginpapatihan nga ang hantavirus ang nagahalin sa ihi ukon hugaw sang ilaga kag tumalagsahon lamang ini nga balatian.

Wala sang narekord nga kaso sang hantavirus sa Pilipinas, apang ginpasiguro sang DOH nga kontrolado ang sitwasyon kag wala sang dapat ikabalaka ang publiko.