Sa pihak sang ginhatag nga deadline sang Commission on Elections kay dismissed Bamban, Tarlac Mayor Alice Guo , napaslawan sa gihapon ini nga makasumite sang iya counter-affidavit bilang tugon sa subpoena nga ginfile batuk sa iya.
Ini ang ginkumpirma ni Commission on Elections Chairperson George Erwin Garcia subong nga adlaw.
Una na nga ginpalawig sang komisyon ang deadline sumugod August 27 tubtob September 1 para makapagfile ang kampo sini sang counter-affidavit.
Suno kay Garcia, sa karun wala pa sang ginpadala nga komunikasyon ang kampo sang anay alkalde.
Hulaton suno nila ini tubtob buas ang kampo ni Guo nga makasumite sang ila kontra salaysay.
Kung matandaan, pormal na ginfile sang Comelec ang subpoena batuk kay Guo sadtong Agosto 13 kaangut sa reklamo nga material misrepresentation nga ginfile batuk sa iya.
Si Guo ang gina-angut sa ilegal nga operasyon sang POGO diri sa pungsod.
