ROXAS CITY – Nagapangasubo si Mayor Roberto Nonong Palomar matapos ang natabo nga Simultaneous Serving Search Warrant sang mga otoridad sadtong Disyembre 30, 2020 sa Tapaz, Capiz.
Ini ang ginpahayag ni Palomar sang mainterview sang Bombo Radyo Roxas.
Suno kay Palomar nga nagapakig-unong gid ini sa mga residente nga nadulaan sang pinalangga sa kabuhi matapos ang natabo.
Bangud diri, nagpasalig ang alkalde nga buligan kag hatagan sang ayuda ang nabilin nga mga pamilya sang mga nagtaliwan nga mga indibidwal.
Ginpasiguro naman ni Palomar nga magapatigayon ini sang maidid nga imbestigasyon sa natabo kun sa diin pasabton ang dapat pasabton.
Naintiendihan man sini ang mga pumuluyo nga na-trauma sa mga pulis kag mga militar.
Nagapati naman si Palomar nga indi man paghimuon sang mga otoridad nga magpatay sang mga inosente nga mga indibidwal.
Samtang, nagpanugyan naman ini sa mga pumuluyo nga indi pagkahadlukan ang mga otoridad kun wala man lang ang mga ini sang may ginhimo.
