Naghikog pinaagi sa pagbitay sa sulod sang hulot sa ila balay ang isa ka amay sa Barangay Baybay, Roxas City.
Nasapwan na lamang nga nakabitay sang iya misis ang biktima nga si Eliseo Espinosa Jr., Alyas Toto.
Nahibaluan nga gintawag sang wala ginhingadlan nga misis ang mister para makapanyapon na sila.
Apang wala nagasabat ang biktima rason nga nagsulod sa ila hulot ang ginang, apang ginkakibot sang makit-an ang nakabitay nga mister nga naggamit sang pisi sa duyan.
Gindala pa sa ospital si alyas Toto apang gindeklara nga dead on arrival sang doctor.
Nahibaluan nga makapila na ka beses nga nagtuyo magpanginmatay ang biktima sang nagligad nga tuig, apang masami ini nga napunggan.
Padayon sa karon ang imbestigasyon sang mga pulis agud matumod ang motibo sa pagpanginmatay sang biktima.
