ROXAS CITY, CAPIZ- Tuman ang kalipay nga nabatyagan sang isa ka amay sa pag-gradwar sang iya nga bata sa Capiz State University.
Ang nasambit nga amay amo si Mr. Arturo Arcenas kag isa ka Traffic Aide I sa syudad sang Roxas.
Sa interview sang Bombo Radyo kay Mr. Arcenas, ginpahayag sini nga nalipay gid sya bangud wala nauyang ang ila nga pagpaninguha nga mapa-gradwar ang ila sini nga anak.
Dugang pa sini nga nakita nya man ang iya nga bata nga nagapaninguha man agud maka-gradwar kag nabatyagan man sang ila nga bata ang ila sini nga pagpanimakas.
Nahibaluan nga ang iya hinipo nga bata nga babaye sa tatlo ka mag-ulutod nag-gradwar sa kurso nga Bachelor of Science in Entrepreneurship sa Capiz State University Main Campus.
Pahayag pa niya, tatlo na ka mga kabataan sini ang propesyonal.
Samtang, nagapasalamat naman ini sa iya nga mga kabataan bangud sa pagpaninguha man nga makatapos sa pag-eskwela kag mangin isa ka propesyonal.
With a report from Bombo Jessa Mae De Los Santos
